თბილისი (GBC) –  „რუსეთი რა დამპყრობლურ პოლიტიკასაც ახორციელებს საზღვარზე, მისი ნაბიჯ-ნაბიჯ  გადმოწევით, ანალოგიურს  აკეთებს ავიაბაზარზე“, - Georgian Airweys-ის დამფუძნებელი ყაზანის  და თბილისის აეროპორტში მგზავრების შეფერხებაზე აცხადებს და სახელმწიფოსგან მხარდაჭერას ითხოვს.

თამაზ გაიაშვილმა „რუსთავი 2“-ზე განაცხადა, რომ  რუსეთის საავიაციო ხელისუფლების ერთპიროვნული გადაწყვეტილებით,  ბილეთიანი მგზავრები თბილისიდან ვერ გაემგზავრნენ,  ბორტზე ასვლა ყაზანშიც შეუძლებელი იყო.

თამაზ გაიაშვილმა  აღნიშნა, რომ  რუსეთის ავიაკომპანიები  კვირაში 60 სიხშირეს ფლობენ, ადგილობრივი  კი 20-მდე  რეისსაც ვერ ასრულებს.

მფრინავი რუსული ლობის მომაკვდინებელ საფრთხეებზე აცხადებს, მიაჩნია, რომ პროტექციონისტული პოლიტიკა უნდა აღიკვეთოს.