თბილისი (GBC)  - სოციალურად დაუცველ შრომისუნარიან პირებს "სამუშაოს მაძიებლად" დარეგისტრირების ვალდებულება ეკისრებათ. 

მთავრობის ახალი გეგმით,  სოციალურად დაუცველი ოჯახების მონაცემთა ბაზაში დარეგისტრირების შემდეგ ოჯახის არამომუშავე შრომისუნარიან წევრებს ექნებათ ვალდებულება www.worknet.gov.ge -ზე „სამუშაოს მაძიებლად" დარეგისტრირდენენ და ეს „ოჯახის დეკლარაციის შევსებიდან" არაუგვიანეს 30 დღეში უნდა გააკეთონ, წინააღმდეგ შემთხვევაში ოჯახს სოციალურად დაუცველთა ბაზაში  რეგისტრაცია შეუწყდება.

მთავრობა იმედოვნებს, რომ ასეთ პირებს სამუშაოს მოძიებაში დაეხმარება, რადგანაც მათთვის ხელმისაწვდომი იქნება სამუშაოს მაძიებელთათვის განსაზღვრული ვაკანსიები, ასევე ინფორმაცია პროფესიული მომზადება-გადამზადების პროგრამების შესახებ, რაც  შრომის ბაზარზე მათ გააქტიურებას გამოიწვევს.