თბილისი (GBC) – Samsung-მა  Apple-ს სმარფონების გაყიდვით გაუსწრო.

2017 წლის I კვარტლის მონაცემები საკონსულტაციო კომპანია Trendforce-მა გაავრცელა და Samsung -ის რეალიზაციის ზრდა ულტრაბიუჯეტური Galaxy J-ს დიდ პოპულარობას დაუკავშირა.

სტატისტიკით, Samsung -ს ბაზრის 26.1% უჭირავს, მისი წილი შარშან ამ დროს 18.5% იყო. ამერიკული კორპორაციის წილი კი, 20.3%-დან 16.9%-მდეა შემცირებული.

სამეულშია Huawei – 11.4%-იანი წილით.

ანალიტიკოსები მიიჩნევენ, რომ Samsung-ის დაწინაურებას შესაძლოა ხელი შეუწყო იმანაც, რომ  iPhone 7-სა და iPhone 7 Plus- ზე აჟიოტაჟური მოთხოვნა ჩაცხრა.

აღსანიშნავია, რომ პირველ კვარტალში, წინა კვარტალთან შედარებით, iPhone -ს წარმოება 36%-ით შემცირდა, წლიურად კლება  41%-ია, რაც ექსპერტებს აფიქრებინებს, რომ Apple ახალი iPhone-ს წარდგენისთვის ემზადება.