თბილისი (GBC) –  საქართველო გერმანიის საერთაშორისო თანამშრომლობის საზოგადოების (GIZ) საჯარო ფინანსების მართვის (PFM) რეფორმასთან  დაკავშირებულ მემორანდუმს აფორმებს - ამის შესახებ საფინანსო-საბიუჯეტო კომიტეტის თავმჯდომარეს და GIZ-ის წარმომადგენლების შეხვედრაზე გახდა ცნობილი.

მემორანდუმი 2 ივნისს გაფორმდება. მეორანდუმი მოიცავს 2017-2020 წლებს, რომლის ფარგლებში   შესაბამისი კონსულტაცია გაეწევა საქართველოს საკანონმდებლო და აღმასრულებელ ხელისუფლებას, ასევე სახელმწიფო აუდიტის სამსახურს.

პროგრამა „საჯარო ფინანსების მართვა სამხრეთ კავკასიაში“ ახალ ხელმძღვანელ,  კრისტიან დოერინგს  და პროგრამის მრჩეველს ინგა სინჯიკაშვილთან შეხვედრაზე  GIZ-სა და საფინანსო-საბიუჯეტო კომიტეტს შორის არსებული თანამშრომლობას და სამომავლო გეგმებზეც ისაუბრეს.

კრისტიან დოერინგმა აღნიშნა, GIZ მზად არის კვალავ გააგრძელოს მჭიდრო თანამშრომლობა საფინანსო-საბიუჯეტო კომიტეტთან და საჭიროებისამებრ დაეხმაროს კომიტეტს საერთაშორისო გამოცდილების გაზიარებაში.

 „ჩვენი მიზანია, კიდევ უფრო გავაძლიეროთ საპარლამენტო ზედამხედველობა და კონტროლი საბიუჯეტო ინსტიტუტების კუთხით, რათა უფრო მეტ გამჭვირვალობასა და ტრანსფარანტულობას ჰქონდეს ადგილი საჯარო ფინანსების სფეროში და ამაღლდეს ეფექტიანობა ამ მიმართულებით. ამ საკითხში GIZ-თან თანამშრომლობა და მათი საერთაშორისო გამოცდილების გაზიარება მნიშვნელოვანია, როგორც საფინანსო-საბიუჯეტო კომიტეტისთვის ასევე პარლამენტისთვის, “ - განაცხადა ირაკლი კოვზანაძემ.