თბილისი (GBC) - „საჯარო და კერძო სექტორს შორის ღია და საქმიანი დიალოგი ძალიან მნიშვნელოვანი და აქტუალურია, როცა იგი ეხება ქვეყნის ეკონომიკურ მდგომარეობას, გამოწვევებს და პერსპექტივებს, მაკროეკონომიკურ ანალიზს, შეფასებებს და პროგნოზს. მითუმეტეს, პირდაპირ შეიძლება ითქვას, რომ ამ სფეროში ზოგჯერ სჭარბობს დილეტანტიზმი და ადგილი აქვს სუბიექტურ, მიკერძოებულ შეფასებებს პოლიტიკური თუ სხვა პირადი ინტერესებიდან გამომდინარე“, - განაცხადა საფინანსო საბიუჯეტო კომიტეტის თავმჯდომარე ირაკლი კოვზანაძემ „ბიზნესის და ეკონომიკის ცენტრის“ ორგანიზებით დაწყებული პროგრამის - „კვარტალური ეკონომიკური ბარომეტრის“ გახსნაზე. ახალი პროგრამის მიზანია საქართველოს ძირითადი მაკროეკონომიკური ტენდეციებისა და პროგნოზების განხილვა, რომელშიც დეპუტატების, აღმასრულებებლი ხელისუფლებისა და კერძო სექტორის წარმამადგენლები ერთდროულად იქნებიან ჩართულნი.

ირაკლი კოვზანაძის თქმით, პროგრამა „კვარტალური ეკონომიკური ბარომეტრის“  კარგი პლატფორმაა, სადაც კერძო და საჯარო სექტორის წარმომადგენლები შეძლებენ შეაჯერონ საკუთარი მოსაზრებები, რაც ქვეყნის ეკონომიკის განვითრებისთვის სასარგებლო იქნება.