თბილისი (GBC) - „ ტექნოლოგიურ პარკში სტარტაპ საქართველოს“ ღია კარის დღე გაიმართა, რომელშიც პროგრამის კოორდინატორების გარდა, გამარჯვებულმა სტარტაპერებმაც მიიღეს მონაწილეობა. მათ საკუთარ გამოცდილებაზე ისაუბრეს და დაინტერესებული პირების მიერ დასმულ შეკითხვებს უპასუხეს.

პროგრამის კოორდინატორებმა პოტენციურ აპლიკანტებს კონკურსში მონაწილეობის წესებისა და პირობების შესახებ მიაწოდეს ინფორმაცია და მათ შეკითხვებს გასცეს პასუხი. „სტარტაპ საქართველოს“ 79 გამარჯვებული ჰყავს, აქედან 59 ბიზნეს იდეა ინოვაციურ კომპონენტს ეკუთვნის. გამარჯვებული პროექტების ავტორები უკვე მუშაობენ საკუთარი იდეების განხორციელებაზე.

„სტარტაპ საქართველო“ პროგრამის ინოვაციურ კომპონენტში ბიზნეს პროექტებსა და აპლიკაციებს უწყვეტ რეჟიმში იღებს. განაცხადის ფორმა, შევსების წესი და პროგრამის შესახებ დეტალური ინფორმაცია განთავსებულია ინტერნეტ გვერდზე www.startup.gov.ge დამატებითი ინფორმაციისთვის მუშაობს ცხელი ხაზი: 2 03 31 23