თბილისი (GBC) –  ჩინური  ბანკი, დაანონსებული  $1 მილიარდიანი  განცხადებული კაპიტალით, პირდაპირ  მთავრობას დაექვემდებარება და საბანკო ბაზარზე  მოქმედ სუბიექტებს შორის განსხვავებული კონცეფციით იქნება წარმოდგენილი.

საბანკო სექტორი მას კონკურენტად არ  განიხილავს, სტანდარტული გაგებით, რადგანაც მის საქმიანობას კომერციული ბანკების შესახებ კანონი  არ დაარეგულირებს. ბანკი  რამდენიმე წლის წინ დაანონსებული   საფინანსო ინსტიტუტის კატეგორიაში გადის, რომელიც უმსხვილეს ინფრასტრუქტურულ პროექტებს მოემსახურება.

იგულისხმება „საქართველოს განვითარების ბანკი“. ასევე ცნობილი გახდა, რომ ინიციატორები რამდენიმე თვის განმავლობაში არჩევდნენ საფინანსო ინსტიტუტისთვის   ბანკი დაერქმიათ, თუ კორპორაცია,  ყველაზე კვალიფიციური CEO  როგორ შეერჩიათ და  შესაბამისი ანაზღაურებით  როგორ  დაეთანხმებინათ  კადრი, რომლისთვისაც კერძო სექტორში მუშაობა ბევრად მიმზიდველია.