თბილისი (GBC) - "რაკია ჯორჯია" პარლამენტის დეპუტატის, გელა მიქაძისა და წინა მთავრობის მაღალჩინოსნის, გიორგი ჯანაშიას წინააღმდეგ გამოტანილ 15 წლიან პატიმრობაზე განცხადებას ავრცელებს. 

კომპანიაში ამბობენ, რომ დაკისრებული "17.2 მლნ აშშ დოლარი  არის ერთი პატარა ნაწილი იმ სოლიდური თანხიდან, რომელიც გელა მიქაძემ თაღლითური გზით მიითვისა.”

კომპანია 2013 წელს საქართველოში დაწყებულ გამოძიებასაც იხსენებს და აღნიშნავს, რომ "კომპანიის წილების თაღლითურად მითვისების ბრალდებით გელა-ზაზა მიქაძემ 2013 წელს, საქართველოში ნახევარწლიანი პატიმრობის შემდეგ, აღიარა დანაშაული და პროკურატურასთან საპროცესო შეთანხმება გააფორმა".

"სანამ მიქაძე პარლამენტის წევრად რჩება აღსანიშნავია, რომ რამდენიმე ათეული სასამართლო პროცესი მის წინააღმდეგ მსოფლიოს არა ერთ ქვეყანაში მიმდინარეობს, მათ შორის საქართველოში", - ნათქვამია განცხადებაში.

როგორც ცნობილია, გელა მიქაძე ბრალდებას უარყოფს და საპასუხოდ, სასამართლო დავის დაწყებას აპირებს.