თბილისი (GBC) - კურორტი გოდერძის განვითარება ახალ ეტაპზე გადადის.

აჭარის ფინანსთა და ეკონომიკის სამინისტროს ინფორმაციით განისაზღვრა 2017 -2018 წლებში დაგეგმილი სამუშაოები.

კერძოდ, მოხდება  კურორტის შიდა, 3 კილომეტრიანი საავტომობილო გზის მშენებლობა, რისთვისაც 8 მლნ დაიხარჯება.

დაგეგმილია ეთნოგრაფიული მუზეუმისთვის განკუთვნილი შენობის შეძენა და მოწყობა, ასევე 112-ის ობიექტებისათვის შენობის მშენებლობა.

კურორტის პოპულარიზაციის მიზნით, ყოველწლიური ტრადიცული ღონისძიებების გამართვა (სამთო ველო სპორტში, Off-Road, Goderdzi Ethno Fest“ და ა.შ) 2017 წლის ბიუჯეტი - 80 000 ლარით განისაზღვრა.

ამოქმედდება  ადიგენის მიმართულებით ყოველდღიური სამარშუტო კეზბორი (12 ადამიანი) 2017 -2018 წლის ბიუჯეტი - 24 000 ლარია, ასევე  ბათუმი - გოდერძის მიმართულებით იფრენს სამარშუტო ვერტმფრენი (6 ადამიანი).  2017-2018 წლის ბიუჯეტი - 300 000 ლარია.

ფრენები სავარაუდოდ, 2017 წლის დეკემბრიდან დაიწყება და საკურორტო სეზონის დასრულებამდე (დაახლოებით 4 თვე) გასტანს.