თბილისი (GBC) -  "საქართველოს ბანკი" (BoG) ფასიანი ქაღალდების მორიგი ემისიისთვის ემზადება.

უკვე ცნობილია, რომ ბანკი ლარის ობლიგაციებს გამოუშვებს. ემისიის მოცულობა და გამოშვების კონკრეტული თარიღი ზუსტდება. 

ჯერ არგამოშვებულ ობლიგაციებს Fitch Ratings- მა წინასწარი, "BB-" რეიტინგი უკვე მიანიჭა. საბოლოო რეიტინგი დოკუმენტების მიღებისა და მათი განხილვის შემდეგ განიხილება.

აღნიშნული რეიტინგი შეესაბამება BoG- ის "BB-" რეიტინგს, რაც ასახავს  ბანკის ადეკვატური აქტივების ხარისხს, გონივრულ კაპიტალიზაციას, მომგებიანობის  მაჩვენებლებს და სტაბილური დაფინანსების პროფილს. რეიტინგები ასევე ითვალისწინებს დაკრედიტების მაღალი დოლარიზაციის დონეს და მსესხებელთა მნიშვნელოვან დამოკიდებულებას.

BoG- ის გრძელვადიანი ლოკალური ვალუტის IDR- ის ცვლილებებმა შესაძლოა გავლენა მოახდენო ობლიგაციების რეიტინგზეც. BoG- ის რეიტინგების ზრდის პოტენციალი კი, შეზღუდულია, რადგან ისინი უკვე სუვერენულ დონეზეა. შემცირება შეიძლება გამოიწვიოს სწრაფი ზრდის ან აქტივების ხარისხის შესამჩნევმა გაუარესებამ, რაც ხელს შეუწყობს BoG- ის კაპიტალიზაციის მნიშვნელოვან შესუსტებას.