თბილისი (GBC) - საქართველოს ბაზარის ლიდერმა, საბანკო და საინვესტიციო ჯგუფმა BGEO-მ პირველ კვარტალში მოგებისა და შემოსავლების ზრდაზე განაცხადა

FTSE 250 -ზე დალისტულმა ქართულმა კომპანიამ წლის პირველ 3 თვეში 108.1 მლნ ლარის წმინდა მოგება მიიღო (+24.3 y-o-y); გადასახადების გადახდამდე კი, მოგებამ 113.3 მლნ ლარი შეადგინა, რაც  წლიურ ჭრილში 17%-იან ზრდას აჩვენებს.

კონსოლიდირებული კვარტალური შემოსავალი 299.5 მლნ ლარი, ანუ დაახლოებით 94.8 მლნ ფუნტია. ზრდა 37%-ია.

აღსანიშნავია, რომ ამავე პერიოდში საბანკო ბიზნესიდან (საქართველოს ბანკი) შემოსავალი, წლიურად 20.2%-ით,  221  მილიონ ლარამდე გაიზარდა, წმინდა მოგება კი, 86.9 მილიონამდე.

საინვესტიციო ბიზნესიდან შემოსავალი 114.5 %-ით, 86.9  მლნ ლარამდეა გაზრდილი, მოგება - 21,2 მლნ ლარია.

BGEO Group-ის გენერალური დირექტორი სამომავლო მაჩვენებლების მიმართაც პოზიტიურად არის განწყობილი, ამბობს, რომ საქართველოს მაკროეკონომიკური ვითარების გაუმჯობესების მხარდაჭერით და ჯგუფის სტრატეგიული პრიორიტეტების განხორციელებაზე ფოკუსირებით, მათ კარგი შესაძლებლობები ექმნებათ.