თბილისი (GBC) - "ტავ ჯორჯია" წელს მგზავრთაგადაყვანის რეკორდულ მაჩვენებლებს ელის.

თბილისისა და ბათუმის აეროპორტების ოპერატორი კომპანიის გენერალური მენეჯერის მოადგილე ელის, რომ 2017 ლიდერი წელი იქნება ავიაციის ისტორიაში. ოპტიმიზმს წლის დასაწყისის მაჩვენებლები ამყარებს - აპრილში თბილისის საერთაშორისო აეროპორტში მგზავრთა  53%-იანი ზრდა დაფიქსირდა, ბათუმის საერთაშორისო აეროპორტში კი 51%-იანი.

თეა ზაქარაძის ცნობით, ზაფხულის სეზონზე თბილისის საერთაშორისო აეროპორტში 7 ახალი ავიაკომპანია შემოდის, მათ შორის Galf Air-i, Nordavia (სანკტ-პეტერბურგი -თბილისი), Wings of lebanon-ი (ბეირუთი-თბილისი);  Airarabia, რომელიც ბათუმიდან იწყებს რეისების შესრულებას. 

აქტიურდება ქართული Georgian Airweys-იც, რომელიც ბარსელონას და ლონდონის მიმართულებით იფრენს, განაახლებს შიდა რეისს ბათუმის მიმართულებით. 

ყველაზე მოთხოვნადი მიმართულებების ტოპ 5-ეული, სადაც ტურისტები თბილისიდან მიემგზავრებიან არის:  მოსკოვი, დუბაი, სტამბოლი, კიევი და თეირანი.

"ტავ ჯორჯიაში" ამბობენ, რომ დაჩქარებულად მიმდინარეობს თბილისში ახალი ტერმინალის მშენებლობაც, რომელიც სექტემბრის ნაცვლად, დიდი ალბათობით, ივნისის ბოლოს გაიხსნება.