თბილისი (GBC)- საქართველოში თამბაქოს კონტროლის შესახებ კანონის მიღებას გაეროს განვითარების პროგრამა (UNDP) და ჯანმრთელობის მსოფლიო ორგანიზაცია (WHO) მხარდაჭერას უცხადებენ.

ორგანიზაციები 2 მაისს პრესკონფერენციას მართავენ, 09:30 საათზე, გაეროს სახლში (რ. ერისთავის ქ. 9, თბილისი).

გაეროს წარმომადგენლები გააცნობენ მედიას ახლახანს ჩატარებული კლევის შედეგებს, რომლის მიზანია საქართველოში თამბაქოს მოხმარების ტვირთის შეფასება და ჯანმრთელობის მსოფლიო ორგანიზაციის (WHO) თამბაქოს კონტროლის ჩარჩო კონვენციის (FCTC) განხორციელების ხელშეწყობა.

გაეროს წარმომადგენლები ასევე ისაუბრებენ თამბაქოს მოხმარების ეკონომიკურ ტვირთზე, თამბაქოს კონტროლის ჩარჩო კონვენციის (FCTC) მნიშვნელობაზე წევრი ქვეყნებისათვის, კონვენციის ფარგლებში აღებულ ვალდებულებებზე და იმ პრაქტიკულ ზომებზე, რომელთა გატარება აუცილებელია თამბაქოს მოხმარების კონტროლისათვის.