თბილისი (GBC) – „ყველის სახლი“  ახალ მისამართზე  გადადის. 

მის  ერთგულ მომხმარებელს, რომელიც რახანია ყაზბეგის ქუჩაზე დაკეტილი სახლის გახსნას ელის მალე  სასურველი პროდუქტის შეძენა „გუდვილის“ ქსელში შეეძლება.

გემრიელი ყველის  მწარმოებლების და მკვლევარებისთვის სუპერმარკეტებში  ფართი უფასოდ გამოიყოფა, სადაც  ყველა სახეობის ყველი გაიყიდება მათ შორის   პოპულარული ფშაური დამბალხაჭო,  მეგრული გუდა, ყველი წიწაკით და ჭერმის ჩირით, ჭაჭამოდებული და  თაფლში მოვარაყებული.

„ყველის სახლის“ მესვეურნი, მეყველეთა ასოციაციის თავმჯდომარე ანა მიქაძე და მისი მეგობარი კვალიფიციური მეყველეები  ბიზნესთამ ერთად  კვლევით საქმიანობას ეწევიან, საქართველოს კუთხეებში  უძველესი  რეცეპტების მოსაძიებლად.

ანა მიქაძე ამბობს, რომ მოგზაურობაში ბევრი საინტერესო ამბავი თუ ლეგენდა  მოიძია.  ბოლოსდაბოლოს ახსნა ცნობილი გამოთქმა  „რას იცინი ყველის ვაჭარივით“, გარკვია, რომ თურმე ყველის შემცველი კაზეინი  ახალისებს ადამიანს.