თბილისი  (GBC) – ბიუჯეტის  დეფიციტის  4%-ზე დასმისთვის   10 პუნქტიანი გეგმისგან შემუშავებისგან განსხვავებით, ენერგეტიკის ნაწილში სავალუტო ფონდის რეკომენდაციების შესასრულებლად მთავრობას დამატებითი სქემის მომზადება არ სჭირდება.

ქვეყნის  ვიცე-პრემიერმა  კახი კალაძემ GBC-ის განუცხადა, რომ  ენერგეტიკულ პროექტებში სახელმწიფო გარანტიების შეზღუდვა, მათ შორის, ელექტროენერგიის შესყიდვის  პერიოდის  8 თვით შემოსაზღვრა, ფონდის ერთგვარი რჩევაა.

ამ დროისთვის  მოქმედი  პროექტები ძირითადად 4-6-8 თვიანი პერიოდის  დათქმით ხორციელდება, მხოლოდ რამდენიმეა 12 -თვიანი.  ენერგეტიკის მინისტრმა  ელექტროენერგიის ექსპორტის სტაბილურ  4 თვიან  პერიოდზეც  აღნიშნა.

ფონდის ანგარიშში   ჩანაწერი  სახელმწიფოს მიერ  ელექტროენერგიის  შესყიდვის ფასზეც არის - რეკომენდებულია,  არ აღემატებოდეს 6 ცენტს, რაზეც  მინისტრმა განაცხადა, რომ  უმეტეს ჰესებთან არსებულ ხელშეკრულებებში ტარიფი 6 ცენტამდეა და მხოლოდ  რამდენიმეს სატარიფო სქემაშია  6 ცენტზე მეტი.