თბილისი (GBC) -  საქართველოს მთავრობა ხვალ ახალ სტრუქტურას " აწარმოე საქართველოში“ წარადგენს. 

პრეზენტაცია, რომელსაც ეკონომიკის მინისტრი ჩაატარებს,  19 აპრილს, 11.30 საათზე, ზურაბ წერეთლის თანამედროვე ხელოვნების მუზეუმში (რუსთაველის 27) გაიმართება, მას პრემიერი დაესწრება. 

ეკონომიკის სამინისტროში ამბობენ, რომ ახალი სააგენტო  „აწარმოე საქართველოში“  სახელმწიფო პროგრამას  კიდევ უფრო ქმედითს და ეფექტიანს გახდის. სააგენტო გააერთიანებს სამ კომპონენტს - ბიზნესს (ადგილობრივ წარმოებას), ექსპორტსა და ინვესტიციებს. შესაბამისად, ერთი ქოლგის ქვეშ  სამი დამოუკიდებელი ბრენდის სახით განვითარდება  „აწარმოე საქართველოში - ბიზნესი“, „აწარმოე საქართველოში - ექსპორტი“ და „აწარმოე საქართველოში - ინვესტიცია.“