თბილისი (GBC) - პროგრამის  „აწარმოე საქართველოში“ მხარდაჭერილ 242 საწარმოს კიდევ ერთი კომპანია "ბიო-პლასტი“  შეემატება.

კომპანიამ სახელმწიფო პროგრამის ფარგლებში  უახლესი ტექნოლოგიის დანადგარები შეიძინა, რაც მას საშუალებას მისცემს ბაზარს  უმაღლესი ხარისხის პროდუქცია კონკურენტულ ფასებში მიაწოდოს.

შპს „ბიო-პლასტი“ საკუთარი პროდუქციის რეალიზაციას საცალო და საბითუმო, ქსელურ მაღაზიებსა და აფთიაქებში გეგმავს.  საწარმოს ამოქმედების პირველ ეტაპზე კომპანია 17 ადამიანის დასაქმებას შეძლებს.

„ბიო-პლასტი“ თბილისში, ლილო ორახელაშვილის ქ. #5-ში მდებარეობს და პროგრამის „აწარმოე საქართველოში“ ფარგლებში ფინანსური  მხარდაჭერით, კერძოდ კი სალიზინგო პროგრამით სარგებლობს, რაც იმას ნიშნავს, რომ პირველი 2 წლის განმავლობაში პროცენტის თანადაფინანსებას მეწარმეობის განვითარების სააგენტო განახორციელებს.

პროექტში ინვესტიციის ჯამური მოცულობა 489 127 ლარს შეადგენს.