თბილისი (GBC) - ეკონომიკის, ან ინვესტიციების ზრდა არაფრისმთქმელ სტატისტიკურ მონაცემად დარჩება, თუ არ მოხდება ისედაც მწირი დოვლათის ეფექტური გადანაწილება, სამუშაო ადგილების შექმნა“, - პარლამენტში გამოსვლისას პრეზიდენტმა ის საკითხდები დაასახელა რა მოსახლეობას ყველაზე მეტად აწუხებს -   
„სამუშაო ადგილები, სიღარიბე, ფასების ზრდა, მწირი პენსიები და ლარის არასტაბილურობა".

გიორგი მარგველაშვილმა ბოლო 2 თვის პოზიტიურ ეკონომიკურ მაჩვენებლებზეც აღნიშნა და იმედი გამოთქვა, რომ ტენდენცია შენარჩუნდება. 

მისივე თქმით, სამწუხარო რეალობაა, რომ საქართველოში ინვესტიციების ზრდის პირდაპირპროპორციულად არ იქმნება სამუშაო ადგილები, ამასთან  ხშირია შემთხვევა, როდესაც ინვესტორებს უცხოელი მუშახელი ჩამოჰყავთ, ადგილობრივი კადრების კვალიფიკაციის ნაკლებობის გამო.

„შესაბამისად, იმისთვის, რომ უცხოური ინვესტიციებიდან მეტი სარგებელი მივიღოთ, საჭიროა, ბაზრის მოთხოვნების შესაბამისი პროფესიული განათლება ეკონომიკური პოლიტიკის პრიორიტეტად ვაქციოთ. მუშახელის დაცულობა და უსაფრთხო სამუშაო პირობების უზრუნველყოფა - რაც აწუხებს ჩვენს მოსახლეობას, საკანონმდებლო დონეზე მოგვარებადია. არ ვგულისხმობ შრომის ბაზრის მკაცრ რეგულირებას, არამედ იმ მინიმალურ სტანდარტებს, რომელიც მართლაც აუცილებელია“, - განაცხადა მარგველაშვილმა.