თბილისი (GBC) - Adjara Group -ის ავიაკომპანია  Aviator მომხმარებლებს თბილისი- ბაქოს რეისზე საჰაერო ტაქსით მომსახურებას სთავაზობს. 

სააგენტო Trend-ი წყაროზე დაყრდნობით წერს, რომ ამ მარშრუტზე საჰაერო ტაქსის მომსახურება 6930 დოლარი ღირს,  არ აქვს მნიშვნელობა რამდენი მგზავრი იქნება საფრენ აპარატში. 

ფრენები Beechcraft KingAir C90GTX მოდელით შესრულდება, რომელიც 5 მგზავრზეა გათვლილი.

"რადგანაც თვითმფრინავი ბაზირებულია თბილისში ის ორმხრივ ფრენას ასრულებს", - განუცხადა აზერბაიჯანულ სააგენტოს კომპანიიდან წყარომ, აღნიშნა, რომ თითოეული ფრენისთვის დამოუკიდებელ ნებართვას მოიპოვებენ, რაც 100 ევრო ღირს. 

Aviator -ს შეუძლია ფრენების შესრულება თბილისის საერთაშორისო აეროპორტიდან საქართველოს ნებისმიერი აეროპორტის, ასევე სამხრეთ კავკასიის ქვეყნების, სტამბულისა და ტრაბზონის აეროპორტების მიმართულებით.