თბილისი (GBC) –  თემურ ჭყონიამ ლუდის ბაზარზე  დაანონსებულ „ატომურ აფეთქებამდე“ 3-დან 1 საიდუმლო გახსნა.

ბიზნესმენის   ინფორმაციით,  საქართველოში ცნობილი ბრენდი Hollandia   მოიხარშება,  „არგოს“ ქარხანაში. უძველესი გერმანული ტრადიციებით დამზადებული  ლუდი ნიდერლანდებში  (Lieshout)  იწარმოება,  ცნობილი Bavaria N.V ლიცენზიით, ცნობილი ოჯახის უძველესი რეცეპტით.

Hollandia -ის გარდა  ჯგუფი  ლუდის კიდევ 2  ლიცენზირებული ბრენდის შემოყვანაზე მუშაობს  გერმანიიდან და ჩეხეთიდან.  ამ თვეში უკვე სამივე ბრენდი გაცხადდება, შესაბამის პრეზენტაციაზე.

სს“არგო“  ყოფილი „კასტელია“, რომლის  50% -იანი წილის მფლობელია „მეიდან ჯგუფის“ დამფუძნებელი ზაზა ნიშნიანიძე, 35% ეკუთვნის  ვასილ სულხანიშვილს 35%, "ზედაზენის" ყოფილ დირექტორს, თემურ ჭყონიას „კოკა კოლა ბოთლერს ჯორჯიას“  კი, 15%  აქვს.

სტრუქტურულ გადახალისებასთან ერთად, დაგეგმილია წარმოების გაფართოება. გაფართოების და საბრუნავი საშუალებების გაზრდისთვის $8,5 მლნ დოლარი დასჭირდება.

შეგახსენებთ, „კასტელ საქართველო” ბაზარზეა 1998 წლიდან, ფრანგ მწარმოებელს ქარხანაში $ 37 მილიონი  აქვს დაბანდებული.

კომპანია ალკოჰოლიანის გარდა უალკოჰოლო სასმელებსაც აწარმოებს.