თბილისი (GBC) - ცნობილმა რითეილერმა H&M-მა თბილისის მაღაზიისთვის კადრების შერჩევა დაიწყო. 

კომპანიას 3 ვაკანსია აქვს გამოცხადებული - ვიზუალ მერჩენდაიზერის, სექციის მენეჯერის და მაღაზიის მენეჯერის პოზიციაზე.

კომპანია აცხადებს, რომ მალე თბილისში მაღაზიის გახსნისთვის ემზადება და  148 000-იან გუნდს ქართველებიც შეუერთდებიან. 

შერჩეულ კანდიდატებს ტრენინგი საზღვარგარეთ ჩაუტარდებათ, ამ მიზნით ისინი 2 კვირიდან 4 თვემდე ვადით სწავლებას გაივლიან. 

ვაკანსიები დღეიდან გამოცხადდა და განაცხადების წარდგენის ვადა 5 მაისს იწურება. 

შვედური Hennes & Mauritz -ი  საქართველოში პირველ მაღაზიის  2017 წლის შემოდგომაზე "გალერეა თბილისში" გახსნის. 

როგორც იცით „გალერია თბილისი“ თანაინვესტირების ფონდის $77 მილიონიანი კომპლექსია, რომელიც თავისუფლების მოედანზე, ყოფილი ცენტრალური უნივერმაღის  ტერიტორიაზე შენდება.