თბილისი (GBC) –  კედლის ხის საათების მწარმოებელი Cosy მოთხოვნის ზრდაზე აცხადებს.

წარმატებულ ბიზნესზე პორტალი enterprisegeorgia  წერს.

მასალაში აღნიშნულია, რომ საათების წარმოების იდეა 2015 წელს გაუჩნდა მეგობრებს, ისინი ამზადებენ ხის დაფებს, რომლებსაც დიზაინერი/მხატვრები აფორმებენ  და მექანიზმის დამაგრების შემდეგ გაყიდვისთვის მზად არის.

„ჩვენი მთავარი უპირატესობა ალბათ ის არის, რომ ყველა ჩვენი საათი უნიკალურია და ერთმანეთის მსგავს საათებს არ ვაკეთებთ“, - აცხადებენ Cosy-ში, აღნიშნავენ, რომ „პროდუქცია 100% ხელნაკეთია, ვიყენებთ უხმო მექანიზმებს, რაც უფრო კომფორტულს ხდის აღნიშნულ პროდუქტს, და ბოლოს, რაც მთავარია,  ფასიც საკმაოდ რელევანტური და მისაღებია“. 

საათები ამჟამად ონლაინ მაღაზია http://nido.ge/ -ზე იყიდება

 “გვაქვს რამდენიმე შემოთავაზება სხვადასხვა ონლაინ კონცეპტუალური მაღაზიიდან, რომლებთანაც ამ ეტაპზე მოლაპარაკების რეჟიმში ვართ”, -აღნიშნავენ კომპანიაში და სხვა სტარტაპ კომპანიებთან ერთად საერთო ახალი პროდუქტის შექმნასაც აანონსებენ.