თბილისი (GBC) - დღეს ჩვენ ვიწყებთ ძალიან მნიშვნელოვან პროექტს - პრემიერმა ქუთაისის აეროპორტთან ახალი სარკინიგზო ხაზის მშენებლობის პროექტის დაწყებაზე განაცხადა. 

პრემიერმა სიმბოლური ღილაკი ჩართო და 1 წელიწადში ახალი სარკინიგზო სადგურის გახსნის პირობა დადო, საიდანაც რამდენიმე მეტრში აეროპორტის ტერმინალი იქნება განთავსებული. პროექტით გათვალისწინებულია 3 კმ გამჭოლი მაგისტრალის და სადგურის აშენება.

აღნიშნა, რომ  ქუთაისის აეროპორტში ჩამოსული ნებისმიერი მგზავრი "შტადლერის" ორსართულიანი მატარებლით შეძლებს რამდენიმე საათში მოხვდეს საქართველოს ნებისმიერ   წერტილში. 

ახალი სადგური მთავრობის სივრცითი მოწყობის  შემადგენელი ნაწილია, პრემიერი ამბობს, რომ ერთ-ერთი უმნიშვნელოვანესი. კვირიკაშვილი მიიჩნევს, რომ ქუთაისი გახდება ტურისტული, ლოგისტიკური და სატრანსპორტო ცენტრი.