თბილისი (GBC) – „კანონთან ვიქნებით პირნათელი“, -   სილქ როუდ ჯგუფის დამფუძნებელი სილქ როუდ ბანკის  ახალი გამოწვევისთვის მზად არის.

ბანკებისთვის საზედამხედველო   კაპიტალის 50 მლნ ლარამდე გაზრდის ახალ ვალდებულებაზე საქართველოს  ეროვნულმა ბანკმა განაცხადა. კაპიტალი 2017 წლის  31 დეკემბრამდე  ყველა ბანკმა უნდა შეავსოს.

ამ დროისთვის  16-დან 13-ს  ბარიერი გადალახული აქვს,   კაპიტალი, მინიმალურს 4-5-ჯერ აღემატება. „სილქ როუდი“  50 მილიონამდე  კაპიტალის მქონე 3 ბანკს შორის, 22 მილიონით მე-3 პოზიციაზეა (I ფინკა-34 მლნ, II ზირაათ ბანკი -22.5 მლნ).

დამფუძნებელი  მოსალოდნელ ცვლილებებზეც აცხადებს.   გიორგი რამიშვილის  ინფორმაციით,  ამ დროისთვის ბანკის შესაძლო გამსხვილებაზე  პოტენციურ პარტნიორებთან აქტიური მოლაპარაკებები მიმდინარეობს.