თბილისი (GBC)-  Tesla-ს დამფუძნებელი მსოფლიოს გაოცებას აგრძელებს. მილიარდერს ადამიანის ტვინის ხელოვნურ ინტელექტთან დაკავშირება სურს, რაზეც მისი ახალი სტარტაპი Neuralink იმუშავებს.

Wall Street Journal-ის ცნობით,  Neuralink შეიმუშავებს ტექნოლოგიას, რომლის იმპლანტირება მოხდება ადამიანის ტვინში და შესაძლებლობას მისცემს გამოიყენოს თანამედროვე მსოფლიოს პროგრამული უზრუნველყოფის შესაძლებლობები.

ინფორმაცია ილონ მასმა Tweeter -ის გვერდზეც დაადასტურა.

ბოლო პერიოდში მასკმა არაერთხელ მიანიშნა   Neuralink-ის არსებობაზე, ის ხშირად საუბრობდა ხელოვნური და ბიოლოგიური ინტელექტის კავშირის შესაძლებლობაზე. 

"ვფიქრობ, ძალიან მალე ბიოლოგიური და ციფრული ინტელექტი მჭიდრო კავშირში იქნებია“, - განაცხადა დუბაიში, ლექციაზე გამოსვლისას ილონ მასკმა.