თბილისი (GBC) - მილიარდერი უორენ ბაფეტი, რომელიც ჰილარი კლინტონის აქტიური მხარდამჭერი იყო, დონალდ ტრამპის გაპრეზიდენტებით მოგებულია.

Forbes-ის ცნობით, Berkshire Hathaway-ს დამფუძნებელმა ქონება 9,5 მლრდ დოლარით გაზარდა და პლანეტის უმდიდრესი ადამიანების რეიტინგში მეორე ადგილზე დაწინაურდა - მისი ქონება უკვე 76,1 მლრდ დოლარია. 

გავლენიანი გამოცემა იხსენებს, რომ ბაფეტი აქტიურად იყო ჩართული ჰილარის საპრეზიდენტო კამპანიაში და მოუწოდებდა ტრამპს საგადასახადო დეკლარაციების გამოქვეყნებისკენ.

" განსხვავებით თუ რას ამბობს ბატონი ტრამპი, ამერიკა დიადი ქვეყანაა", - ამბობდა ბაფეტი, თუმცა ამ მხარდაჭერის მიუხედავად მას კლინტონის კამპანია არ დაუფინანსებია, ამბობდა, რომ ნებისმიერი მათგანის გამარჯვების შემთხვევაში, Berkshire სარგებელს მიიღებდა.

"ამერიკა მუშაობს.... ის გააგრძელებს ნორმალურად მუშაობას დონალდ ტრამპის დროსაც", - განუცხადა არჩევნების დასრულების შემდეგ მედიას.

ბაფეტის მოლოდინი გამართლდა, დღეს Berkshire Hathaway-ს აქციები 12% ძვირი ღირს, ვიდრე არჩევნების დღეს ღირდა, ამან კი, მისი ქონება 9,5 მილიარდით გაზარდა.