თბილისი (GBC) - „ტიფლის ტექსტილი“ წინდების წარმოების დაწყებას გეგმავს.

კომპანია თბილისში, კაიროს ქუჩაზე, სახელმწიფოსგან გადაცემულ ქონებაზე საფეიქრო საწარმოს შექმნის და   2 წლის განმავლობაში არანაკლებ 1 500 000 წინდას გამოუშვებს.

ინვესტიციის მოცულობა 4 მლნ ლარია. 

შეგახსენებთ, რომ სახელმწიფო პროგრამა „აწარმოე საქართველოში“ ფარგლებში სხვადასხვა უწყებების მხრიდან უკვე მხარდაჭერილია 231 პროექტი, რომელთა ჯამური ინვესტიციის მოცულობა შეადგენს 512.01 მლნ ლარს, კომერციული ბანკების მიერ გაცემული სესხების მოცულობა - 280.35 მლნ ლარს, ხოლო ჯამურად დასაქმდება 10,311 ადამიანი.