თბილისი (GBC) - სამინისტროების დიდი ნაწილის ოფისი ორთაჭალაში, ახალ სამთავრობო ქალაქში გადავა- მასშტაბური პროექტის დაწყება ხუთშაბათს, პრემიერმა კვირიკაშვილმა დაანონსა. 

პრემიერი ამბობს, რომ ამ მიზნისთვის უკვე გამოიყო სივრცე, ბიზნეს სახლის მიმდებარედ. 

"მომსახურეობის კიდევ უფრო გაუმჯობესების მიზნით ორთაჭალაში იმ ადგილის გვერდით, სადაც ხორციელდება ბიზნეს სახლის პროექტი, გავაკეთოთ სამთავრობო ქალაქის პროექტი. ძალიან დიდი ტერიტორია გამოიყო ამისთვის, სადაც განხორციელდება სამინისტროების გადატანა. რაც ერთი მხრივ, იქნება ძალიან კარგი, რადგან ქალაქის ცენტრში ძალიან ბევრი საოფისე თუ სასტუმროსთვის სივრცე გამოთავისუფლდება, მეორე მხრივ კი, წახალისდება სამშენებლო სექტორი", - განაცხადა გიორგი კვირიკაშვილმა.

პრემიერი მიიჩნევს, რომ ახალი პროექტი  უზრუნველყოფს როგორც იურიდიული, ისე ფიზიკური პირებისთვის "ფიზიკური მომსახურების თვისობრივად ახალ ეტაპზე გადასვლას".