თბილისი (GBC) –  სახელმწიფო მზრუნველობაში მყოფი ბავშვების  კომუნალურ ხარჯებს ლიბერთი ბანკი  1 წლის განმავლობაში გადაუხდის.

ბანკისა და ჯანდაცვის სამინისტროს შორის  მემორანდუმი  გაფორმდა, ბანკი  პატრონაჟს  50  ობიექტს გაუწევს, საოჯახო ტიპის მცირე სახლებს  და მიუსაფართა თავშესაფრებს.

სახლებში სახელმწიფო მზრუნველობაში მყოფი 322 ბავშვი ცხოვრობს, მათ შორის 25 შშმ პირია. თავშესაფრებსა და დღის ცენტრებში ყოველდღიურად  ქუჩაში მცხოვრები და მომუშავე 157-მდე ბავშვი იღებს მომსახურებას.

„გამოთავისუფლებული ფულადი სახსრები  საშუალებას მოგვცემს ვიზრუნოთ ამ ცენტრების ბენეფიციარების სხვა პრობლემების და საჭიროებების მოგვარებაზე,“ - აღნიშნა სოციალური მომსახურების სააგენტოს დირექტორმა, ზაზა სოფრომაძემ.

“ლიბერთი ბანკი, სოციალური პასუხისმგებლობის ფარგლებში, მუდამ ცდილობს იზრუნოს დაუცველ ბენეფიციარებზე“, -  აღნიშნა ლიბერთი ბანკის გენერალურმა დირექტორმა, ალექსი ხოროშვილმა.