თბილისი (GBC) - ბოლო მონაცემებით $75 მილიონის სესხია გალარებული.

საქართველოს ეროვნული ბანკის პრეზიდენტის, კობა გვენეტაძის განცხადებით, მომხმარებლებს, რომელთაც სურდათ სავალუტო რისკებისგან დაეზღვიათ თავი, ძალიან კარგი შანსი მიეცათ. 

ამბობს, რომ დაზუსტებული მონაცემებით,  გალარებულია პოტენციური სესხების 23%, ეს იყო ნებაყოფლობითი პროცესი, ერთჯერადი პროგრამა, რომელიც მთავრობამ შეიმუშავა.

რაც შეეხება ლარიზაციის გეგმას, გვენეტაძის თქმით, ეს არის გრძელვადიანი პროცესი, რასაც ბევრ ქვეყანაში ამას 10-15 და მეტი წელი დასჭირდა. ეს საკითხები და ღონისძიებები განხილული იყო საერთაშორისო სავალუტო ფონდთან, რომელმაც ცოტა ხნის წინ დაამთავრა საქართველოში მუშაობა.

"ჩამოთვლილია პუნქტები და ჩვენ მივყვებით მათ განხორციელებას",- აღნიშნავს გვენეტაძე.

შეგახსენებთ, რომ გალარების პროგრამა 17 მარტს დასრულდა.