თბილისი (GBC) -  ზესტაფონის ქარის ელექტროსადგურს საქართველოს ენერგეტიკის განვითარების ფონდი და კომპანია "ჯეოკრაფტი“ ააშენებენ. 

პარტნიორებს შორის წილობრივი გადანაწილება შემდეგია: სს „საქართველოს ენერგეტიკის განვითარების ფონდი“ – 10 % შპს „ჯეოკრაფტი“ – 90 %.

პროექტის განვითარების პირველი ფაზა მოიცავს ზესტაფონის  მიმდებარე  ტერიტორიაზე   ქარის ელექტროსადგურის (საპროექტო დადგმული სიმძლავრე – 150 მეგავატი)   სრულ ტექნიკურ-ეკონომიკური კვლევის მომზადებას.

აღნიშნულთან დაკავშირებით,  სს „საქართველოს ენერგეტიკის განვითარების ფონდსა“ და შპს „ჯეოკრაფტის“ მიერ დაარსებული საერთო საწარმო  შპს „ზესტაფონის ქარის ელექტროსადგური“ მიმართავს საქართველოს ენერგეტიკის სამინისტროს ურთიერთგაგების მემორანდუმის გასაფორმებლად წარსადგენი კვლევების მომზადების მიზნით.