თბილისი (GBC) -  Social Impact Award-ის  საკონკურსო ნაწილი დაიწყო, ღიაა სააპლიკაციო ონლაინ პლატფორმა, სადაც სტუდენტებს სოციალური ბიზნესიდეების პროექტის სახით წარდგენა  28 აპრილამდე შეუძლიათ.
 
Social Impact Award (SIA) - მასშტაბური პროგრამა  სოციალური მეწარმეობის მიმართულებით,  20 ქვეყანაში ხორციელდება.  Impact Hub Tbilisi-სა და ევროპის ფონდის ერთობლივი ძალისხმევით,“საქართველოს ბანკი“ პარტნიორობით, წელს პროგრამას საქართველოც შეუერთდა.

„ პროექტის მხარდაჭერა ბანკისთვის მნიშვნელოვანია საქართველოში სოციალური  საწარმოების შექმნა- განვითარების თვალსაზრისით“, - ბანკის ცნობით, თბილისსა და თელავში ყველა მსურველისათვის 12 უფასო ვორქშოფი ჩატარდა, 4  თემაზე: სოციალური მეწარმეობა, იდეის  გენერირება, ბიზნესმოდელირება და ბიზნესგეგმის შედგენა. კონკურსანტების  განაცხადების  განხილვით მომდევნო ინკუბაციისთვის 8 ფინალისტი გუნდს  შეირჩევა და დასასრულ,  გამოვლენილი 3 გამარჯვებული  2 000- 2000- 2000 ევროს მიიღებს, ასევე დაესწრება  SIA-ს ევროპის სამიტს ბელგრადში (სერბეთი). გარდა ამისა, ერთ-ერთ გუნდს ევროპის ფონდი, გარკვეული კრიტერიუმების დაკმაყოფილებისს შემთხვევაში, გრანტის სახითს დამატებით 20,000 ლარის მოპოვების საშუალებას მისცემს, უშუალოდ პროექტის განსახორციელებლად.

„Impact Hub Tbilisi-ს ერთ-ერთი პრიორიტეტია სოციალური მეწარმეობის პოპულარიაზაცია და ამ სფეროს შესახებ ცნობადობის ამაღლება საქართველოში. პროგრამის ფარგლებში გამართულ ვორქშოფებზე 200-ზე მეტმა სტუდენტმა იმუშავა საკუთარი სოციალური  ბიზნესიდეის განვითარებაზე, იმედია პროგრამის შედეგად ბევრ მდგრად სოციალურ საწარმოს ვიხილავთ.“ - აღნიშნა Impact Hub Tbilisi-ს თანადამფუძნებელმა, ქეთევან ებანოიძემ.