თბილისი (GBC) - რუსული ბანკები უკრაინის დატოვებას ცდილობენ.

უკრაინული მედია ქვეყნის ეროვნულ ბანკზე დაყრდნობით წერს, რომ   რუსული სახელმწიფო კაპიტალის ყველა ბანკი პოტენციურ გაყიდვაზე მოლაპარაკებას აწარმოებს.

 უკრაინის ეროვნული ბანკის პრეზიდენტის მოადგილემ, ეკატერინა როჟკოვამ განაცხადა, ქვეყნის მთავარი ბანკი გაყიდვასამ  ბანკების მიერ უკრაინის დატოვების საუკეთესო გამოსავლად მიიჩნევს.

„ამ პირობებში, სამწუხაროდ, უკრაინის ტერიტორიაზე აღნიშნული ბანკების შემდგომ განვითარებაზე საუბარი შეუძლებელია“, - განაცხადა როჟკოვამ.

შეგახსენებთ, 16 მარტს პეტრო პოროშენკომ დაამტკიცა უკრაინის ეროვნული ბანკის გადაწყვეტილება, რუსული ბანკების შვილობილებისთვის 1 წლიანი სანქციის შემოღებაზე. სანქციები ბანკების მიერ ქვეყნიდან ნებისმიერი თანხის გატანას კრძალავს, მათ შორის აქციონერებისთვის დივიდენდების გადახდას, ფასიან ქაღალდებში ფულის ჩადებას თუ საბანკო კრედიტის გაცემას. 

ამ დროისათვის ბაზარზე 7 რუსული ბანკი ოპერირებს.