თბილისი (GBC) - აშშ-ს  ფედერალურმა სარეზერვო სისტემამ, ქვეყნის გაძლიერებული მაკროეკონომიკური მაჩვენებლების ფონზე,  მთავარი განაკვეთი გაზარდა და წელს განაკვეთის კიდევ ორჯერ გაზრდაც დააანონსა. 

FED-ის გადაწყვეტილებით, განაკვეთმა 0.25 პროცენტული პუნქტით მოიმატა და ახლა 0.75 -1%-ია დიაპაზონშია. 

ბაზრისთვის განაკვეთის ზრდა სიურპრიზი არ იყო,  რადგანაც თებერვალში მაკროეკონომიკურმა მაჩვენებლებმა პროგნოზს გადააჭარბა, მთავარი ბანკი კი, ბოლო პერიოდში ცალსახად, განაკვეთის ზრდაზე მიანიშნებდა. 

წელს კიდევ 6 სხდომა გაიმართება - 2-3 მაისს, 13-14 ივნისს, 25-26 ივლისს, 19-20 სექტემბერს, 31 ოქტომბერს - 1 ნოემბერს და 12-13 დეკემბერს.

ანალიტიკოსები ვარაუდობენ, რომ მომდევნო ზრდა ივნისში ან ივლისში მოხდება,  დღევანდელ გადაწყვეტილებაზე  ეკონომიკის რეაქციის გათვალისწინებით.