თბილისი (GBC)  -  იუსტიციის სახლში კიდევ ერთი  სერვისი დაინერგა, დევნილთა განსახლებისა და ლტოლვილთა სამინისტროს სერვისი, რაც  ეკომიგრანტების „საცხოვრებელი სახლით დაკმაყოფილებაზე “  განაცხადის მიღებას გულისხმობს.

 იუსტიციის სახლსა და სამინისტროს შორის შესაბამისი ხელშეკრულება გაფორმდა.

სერვისით სარგებლობა შეუძლია ყველა  სრულწლოვან მოქალაქეს /ოჯახებს, რომელთა საცხოვრებელი სახლი სტიქიამ დააზიანა და საცხოვრებლად სახიფათოა.

ბენეფიციარს შეუძლია იუსტიციის სახლის 19 ფილიალში ალტერნატიული საცხოვრებლის შესყიდვა მოითხოვოს და 25 000 ლარის ფარგლებში  სამინისტრო უზრუნველყოფს. 

აქამდე მომსახურება სამინისტროს  მხოლოდ 3 ტერიტორიულ ერთეულში: თბილისში, ქუთაისსა და ზუგდიდში იყო შესაძლებელი.