თბილისი (GBC)-  მობიტელის (ბილაინი) მფლობელი Vimpelcom-ი 4 ქვეყანაში - საქართველოში, უკრაინაში, ყაზახეთსა და სომხეთში  საკომუნიკაციო ანძებს ყიდის, - ინფორმაციას ბრიტანული TMT Finance ავრცელებს.

გამოცემის ცნობით, საუბარია სულ 12 ათას ანძაზე. აღინიშნება, რომ კომპანიას ოთხივე აქტივის 1 პირისთვის მიყიდვა სურს, თუმცა არ გამოირიცხება სხვა ვარიანტებიც, მათ შორის რამდენიმე კომბინაცია. 

ინვესტორებისგან წინადადებების წარდგენას Vimpelcom-ი 13 მარტს ელის.

ანძების მონეტიზაცია Vimpelcom-ის სტრატეგიის ნაწილია ტრანსფორმირდეს ტრადიციული ტელეკომ-ოპერატორიდან digital -პროვაიდერად.

აღსანიშნავია, რომ რუსეთში აღნიშნული აქტივები კომპანიამ უკვე გაასხვისა და 700 მილიონიანი გარიგების დასრულებას 2017 წლის მეორე კვარტალში ვარაუდობენ.

ჰოლდინგის CEO  ამბობს, რომ აქტივის გაყიდვას არ ჩქარობენ  და მათთვის მთავარი მაქსიმალური ფულადი შემოსავლის მიღებაა.