თბილისი (GBC) -  „ბოლო წლებში გაზრდილი საინვესტიციო ნაკადები გამოწვეულია მთავრობის მიერ გატარებული, ასევე დაგეგმილი ეკონომიკური და სტრუქტურული რეფორმებით, რამაც დადებითი გავლენა იქონია ინვესტორების განწყობაზე“, - ასე აფასებს ეკონომიკის მინისტრის მოადგილე უცხოური ინვესტიციების მაჩვენებელს.

ნინო ჯავახაძე საქართველოს საინვესტიციო მიმზიდველობაზე აღნიშნავს, რაც ასევე იზრდება ეკონომიკური, მათ შორის საგადასახადო რეფორმებით, ევროპასთან უვიზო მიმოსვლისა და თავისუფალი ვაჭრობის შეთანხმების გამო.

მინისტრის მოადგილემ ციფრებიც მიმოიხილა, აღნიშნა, რომ  2016 წელს მნიშვნელოვნად გაიზარდა რეინვესტიციების ოდენობაც და მთლიანი პირდაპირი უცხოური ინვესტიციების 32% შეადგინა.

ჯავახაძე ამბობს, რომ  წინსვლას ბიზნესის კეთებისა და ეკონომიკური თავისუფლების კუთხით ადასტურებს საქართველოს პოზიციები საერთაშორისო რეიტინგებში, რაც ხელს უწყობს ქვეყნის მომავალ საინვესტიციო მიმზიდველობას.