თბილისი (GBC)  –თიბისი ბანკმა  ქართველი ილუსტრატორის წარმატებაზე  განაცხადა, ქვეყნის საზღვრებს გარეთ.

27 წლის ანა ჩუბინიძე  ქართულ-ფრანგული ანიმაციის  „ჯიბის კაცის“ (The Pocket Man) ავტორია, რომელმაც ფრანგული სტუდიის “ფოლიმაჟი” ანიმატორ, მარიონ შარიესთან ერთად იმუშავა.  ანიმაციის ჩვენება ფრანგულ ტელევიზია canal + ზე იგეგმება.

მანამდე კი,  ანას ნამუშევარი ერთ-ერთ ყველაზე პრესტიჟულ საბავშვო ფილმების ფესტივალში,  New York International Children's Film Festival  მონაწილეობს. ფესტივალში  2500 განაცხადიდან მხოლოდ 100 ფილმმა მოიპოვა მონაწილეობის უფლება.  ანა პირველი ქართველია, ვისი პროექტიც ფესტივალის ფინალისტებს შორის მოხვდა. საკუთარი წარმატების აშშ-ში გასაზიარებლად ის  15 მარტს უნდა გაემგზავროს. თანხის შეგროვებაში მას სტატუსის საქველმოქმედო პლატფორმა statusdonates.ge  ეხმარება.

ამ ისტორიის შესახებ მომზადებული ვიდეო და დეტალური ინფორმაცია განთავსებულია www.statusdonates.ge   და   მსურველს მხარდაჭერაც შეუძლია.

თიბისი სტატუსმა ახალი, ინოვაციური პლატფორმის პრეზენტაცია 2016 წლის 28 დეკემბერს გამართა.  პროექტის დაწყებისთანავე, პირველ ეტაპზე ფინანსური მხარდაჭერა მიიღეს სოფელ ძეგვში არსებულმა თავშესაფარმა და შემოქმედებითი განათლების სტუდია CES-მა; ხოლო მოსწავლე-გამომგონებელთა კონკურსის „ლეონარდო და ვინჩის“ გამარჯვებულ მოსწავლეებს თიბისი სტატუსის ერთწლიანი სტიპენდია დაენიშნათ.