თბილისი (GBC) –   შეჩერებული  €23 მილიონიანი გრანტი,  სავალუტო ფონდის  SDR 100 მლნ-დან  SDR 20 მლნ-ის  ($25 მლნ) დანაკლისი, პროგრამის  2-წლიანი  დაპაუზება, -  -სებ-დან  საფინანსო ზედამხედველობის გატანით  მიყენებული ზარალის არასრული  ქეისი  რომან გოცირიძემ,  სებ-ისთვის მაკონტროლებელი ფუნქციის  დაბრუნების   საკანონმდებლო განხილვაზე წარადგინა.

 საპარლამენტო უმცირესობის ლიდერმა   ერთადერთ და მთავარ კითხაზე  „რატომ  არის ასეც კარგი და ისეც?“ პასუხი  კანონპროექტის წარმდგენისგან რომ ვერ მიიღო,  თავადვე უპასუხა.

 ფინანსთა მინისტრის მოადგილეს ნიკოლოზ გაგუას  სებ-ის ყოფილმა პრეზიდენტმა   განმარტებითი ბარათიდან  სსფ-ის მოთხოვნა,  $285 მლნ-იანი  პროგრამის  ერთგვარი წინაპირობა გააცნო, ტრადიციული „შეგონებით“ -  „ხომ გეუბნებოდით“, რასაც თანაგუნდელების  „რომ გეუბნებოდით და არ გვიჯერებდით“  მოყვა და   ბოლოს „მეჭიაური-ებანოიძის“  კვალიფიკაციამდეც მივიდა.

გაგუას გოცირიძის კითხვის  ნაწილობრივ დაკმაყოფილება მოუწია,  თუ რატომ არ ელოდებიან საკონსტიტუციო სასამართლოს გადაწყვეტილებას, უპასუხა რომ სებ-ს  და მთავრობას  რეფორმები ეჩქარება და  კანონპროექტის  დაჩქარებით  სსფ-ს პროგრამის 12 აპრილს დამტკიცების  იმედი აქვს.