თბილისი (GBC) –  „რესპუბლიკას“ საბანკო ბარათები უქმდება. ბანკის კლიენტების ანგარიშები 3 მარტიდან  თიბისის ანგარიშებს მიებმება, მათ შორის „ბანკი რესპუბლიკას“  პრობლემური მსესხებლებისაც, რომელთა ანგარიშებიც დაიბლოკება.

„თიბისი“  „ბანკი რესპუბლიკას“  მომხმარებელს ატყობინებს, რომ  1 მარტიდან ბონუსპროგრამა უქმდება, BR ქულები აღარ  დაირიცხება, დაკონვერტიდება და შესაბამისი თანხა ანგარიშზე, მარტის ბოლომდე ჩაირიცხება.

როგორც ცნობილია, თიბისისთან „რესპუბლიკას” შერწყმის პროცედურაა  დაწყებული. ფრანგულმა საბანკო ჯგუფმა ეს  აქტივი 315 მლნ ლარად გაყიდა.

1 მარტიდან უქმდება მეგობარ ანაბარზე მიბმული ბარათი და პირობებიც იცვლება.

ცვლად ნაშთზე სარგებელი მოიხსნა. უცვლელ ნაშთს ლარში, აშშ დოლარსა და ევროში შესაბამისად  5.5%; 1%; 0.3% ერიცხება.

შეიცვალა მოთხოვნამდე ანაბრის პირობებიც, მხოლოდ იურიდიული პირისთვის  გახდა განკუთვნილი.