თბილისი (GBC) - 1 მაისიდან Qatar Airways -ი თბილისსა და დოჰას შორის დღეში ორი სიხშირით იფრენს.

განახლებულ ფრენის განრიგს ავიაკომპანია სამოქალაქო ავიაციის სააგენტოში უახლოეს დღეებში წარმოუდგენს.

 ფრენების ინტენსივობის გაზრდის შესახებ Qatar Airways-ის წარმომადგენლებმა ავიაკომპანიის საქართველოს ავიაბაზარზე შემოსვლის ხუთი წლის იუბილესთან დაკავშირებით გამართულ მიღებაზე ისაუბრეს.

კომპანიაში დადებითად აფასებენ საქმიანობის 5 წელს, აღნიშნავენ, რომ როგორც ქართველი ისე ყატარისა და მთლიანად შუა აღმოსავლეთის რეგიონის მგზავრების მხრიდან მოთხოვნა დოჰა-თბილისი-დოჰას მიმართულებაზე წლიდან წლამდე განუხრელად იზრდება.

“Qatar Airways”-ი საქართველოს საავიაციო ბაზარზე 2012 წლის თებერვლს შემოვიდა. ხუთ ვარსკვლავიანმა ავიაკომპანიამ ოპერირება დოჰა-ბაქო-თბილისი თბილისი-ბაქო-დოჰას საჰაერო ხაზზე კვირაში 7 სიხშირით დაიწყო, 2016 წლის დეკემბრიდან კი 4 ახალი სიხშირე დაამატა შუალედური (ბაქო) პუნქტის გარეშე.