თბილისი (GBC)  -  „კეთილი იყოს თქვენი მობრძანება, შეგიძლიათ იამაყოთ, მიღებულია საბოლოო გადაწყვეტილება, დადგა  დრო ვიზეიმოთ ერთად,  ვულოცავ მთელ ქართველ ერს !“, - ევროკავშირთან სავიზო რეჟიმის გამარტივება ევროკომისარმა  მოგვილოცა და იმედი გამოთქვა, რომ ახალი სტატუსით  ჩასულ მედიას მალე გვიმასპინძლებს.

დიმიტრის ავრამოპულოსმა  აღნიშნა, რომ საქართველო შესანიშნავი მაგალითია  პროგრესის.  „ევროპული ოჯახი  ნიშნავს მშვიდობას, ბიზნეს, სოციალურ და კულტურულ კავშირებს“, -   აღნიშნა, რომ  ამ მიმართულებით 2012 წელს დაწყებული პროცედურა უშეცდომოდ, წარმატებით დასრულდა.

მოლოცვისას საქართველოს პრემიერმა  1 მარტის  ხელმოწერა დაანონსა, რასაც შეთანხმების გამოქვეყნება მოყვება,  20 დღეში კი  გამარტივებული რეჟიმის ამოქმედება.

ამასთან გახარებულია, რომ უვიზო მიმოსვლით ოკუპირებულ ტერიტორიაზე მცხოვრები მოქალაქეებიც ისარგებებლებენ.  აღნიშნა, რომ   ევროკავშირის  ერთიანი ოჯახი დამატებითი ბიძგია დემოკრატიული ინსტიტუტების გაძლიერებისა და  ინსტიტუციონალური რეფორმების.