თბილისი (GBC) - საქართველო-ისრაელის ბიზნესპალატის ხელმძღვანელი წელს ისრაელიდან ტურისტების მკვეთრ ზრდას პროგნოზირებს.

იციკ მოშე ამბობს, რომ 2017 წელს საქართველოში ისრაელიდან 150 000 ტურისტს ელიან, რაც ქვეყანას დამატებით მილიონობით დოლარის შემოსავალს მოუტანს.

„ამ წელს ისრაელიდან 150 000 ტურისტს ველოდებით, ეს 150 მილიონი დოლარის ინვესტიციაა  ქვეყანაში, ვინაიდან თითო ტურისტი ტოვებს 1000 დოლარს, ფრენის და სასტუმროს გათვალისწინებით“- აღნიშნა იციკ მოშემ.

აღსანიშნავია, რომ 2016 წელს საქართველოს ისრაელიდან 92 212 ვიზიტორი სტუმრობდა. ვიზიტების ტრენდი მზარდია, 2012 წელს დაახლოებით 31 ათასი ვიზიტორი იყო ჩამოსული, 2013-ში 40 ათასამდე, 2014-2015 წლებში შესაბამისად, 59,4 ათასი და 92,2 ათასი.