თბილისი (GBC)-  Google -ის შვილობილმა,  Waymo, რომელიც უპილოტო ავტომობილების მართვის ტექნოლოგიას ამუშავებს, Uber-ს და მის სტარტაპს Otto უჩივლა, ტექნოლოგიის მოპარვისთვის, - იტყობინება Business Insider.

სარჩელი სან-ფრანცისკოს სასამართლოში 23 თებერვალს შევიდა. მასში აღნიშნულია, რომ Google-ში მომუშავე ინჟინერთა გუნდმა მოიპარა სისტემის ლიდერი - ლაზერული სენსორული სისტემა, რომელიც უზრუნველყოფს ავტომობილის ორიენტაციას გარშემო არსებული ობიექტების მიმართ.

მიყენებულ ზარალს მოსარჩელე 0,5 მილიარდ დოლარად აფასებს.

მთავარი ეჭვმიტანილი ენტონი ლევანჯოვსკია, რომელიც წლების განმავლობაში მუშაობდა Google -ის უპილოტო ავტომობილის შექმნაზე, 9 წლიანი მუშაობის შემდეგ, მან კორპორაცია დატოვა და  2016 წელს  Otto  დააფუძნა, რომელიც 6 თვეში 680 მილიონად Uber-მა იყიდა.

Uber -მა განაცხადა, რომ ბრალდებას გაეცნობა და ამ საკითხს ყურადღებით განიხილავს.