თბილისი (GBC) - არსებობს თუ არა პირდაპირი კავშირი  ვალუტის კურსის ცვლილებას და რეფინანსირების სესხების ცვლილებას შორის? - ეროვნული ბანკი საზოგადოებისთვის კიდევ ერთ განმარტებას აქვეყნებს და მეტი სიცხადისთვის საილუსტრაციოდ, სხვადასხვა პერიოდში  გაცემული რეფინანსირების სესხები და ამავე პერიოდში ვალუტის კურსის ცვლილება მოჰყავს.

სებ-ის ცნობით, რეფინანსირების სესხები 5 იანვარს 1.30 მილიარდი ლარიდან 1.15 მილიარდ ლარამდე შემცირდა, თუმცა 5 იანვარი – 11 იანვრის პერიოდში პერიოდში ადგილი ჰქონდა დოლარის კურსის როგორც გამყარებას, ასევე გაუფასურებას. მასალაში აღნიშნულია, რომ თუ 5 იანვარს 1 დოლარი 2.6692 ლარი ღირდა, 6-ში 2.7303 ნიშნულამდე, ხოლო 7-ში 2.7674 ნიშნულამდე გაიზარდა, შემდეგ კი, შემცირდა 11 იანვრისთვის 2.7403 პუნქტამდე.

რეფინანსირების სესხები 12 იანვარს 1.15 მილიარდი ლარი იყო და მათი მოცულობა არ შეცვლილა. 12 იანვარი – 19 იანვრის პერიოდში დოლარის კურსი ლართან მიმართებაში გაუფასურდა. 12 იანვარი - 2.7395, 13 იანვარი 2.7372, 14- 2.7211, 17- 2.7084, 18 იანვარი 2.6524.

რეფინანსირების სესხები 20 იანვარს 1.15 მილიარდი ლარიდან 1.25 მილიარდ ლარამდე გაიზარდა. 20 – 25 იანვრის პერიოდში დოლარის კურსი ლართან მიმართებაში გამყარდა - 2.6624-დან 2.6891-მდე.

რეფინანსირების სესხები 26 იანვარს 1.25 მილიარდი ლარიდან 1.16 მილიარდ ლარამდე შემცირდა, თუმცა 26 იანვარი – 1 თებერვლის პერიოდში დოლარის კურსი ლართან მიმართებაში გამყარდა, ანუ რეფინანსირების შემცირებას არ გამოუწვევიალარის კურსის გამყარება – პირიქით – ლარი გაუფასურდა: 26.01.17 $1/2.6922 ლარი, 27.01.17- 2.6987, 28.01.17 – 2.7021, 1.02.17 – 2.7011

რეფინანსირების სესხები 2 თებერვალს 1.16 მილიარდი ლარიდან 1.10 მილიარდ ლარამდე შემცირდა. 2 – 8 თებერვლის პერიოდში დოლარის კურსი ლართან მიმართებაში გაუფასურდა, ხოლო  რეფინანსირების სესხები 9 თებერვალს 1.10 მილიარდი ლარიდან 1.06 მილიარდ ლარამდე შემცირდა. 9 – 15 თებერვლის პერიოდში ადგილი ჰქონდა დოლარის კურსის როგორც გაუფასურებას, ასევე გამყარებას.

ასეთივე ტემდენცია იყო 16-21 თებერვალს. რეფინანსირების სესხები 16 თებერვალს 1.06 მილიარდი ლარიდან 1.20 მილიარდ ლარამდე გაიზარდა, თუმცა ამ პერიოდში ადგილი ჰქონდა დოლარის კურსის როგორც გაუფასურებას, ასევე გამყარებას.

„დასკვნა – ვალუტის კურსის ცვლილებას და რეფინანსირების სიდიდის ცვლილებას შორის პირდაპირი კავშირი არ არსებობს და მათი დაკავშირება არასწორია. კურსის ცვლილებას მრავალი ფაქტორის ერთობლიობა განაპირობებს” - აცხადებს მთავარი ბანკი, აღნიშნავს, რომ  ეროვნული ბანკი ფასების სტაბილურობის უზრუნველსაყოფად იყენებს ინფლაციის თარგეთირების რეჟიმს. ამ რეჟიმის პირობებში მონეტარული პოლიტიკის მთავარი ინსტრუმენტი მონეტარული პოლიტიკის განაკვეთია, რომლის ბაზარზე გადაცემაც ხორციელდება რეფინანსირების სესხებით.