თბილისი (GBC) - სემეკი ბუნებრივი აირის სატარიფო პოლიტიკის გადახედვას იწყებს. 

ენერგეტიკის და წყალმომარაგების მარეგულირებელი ეროვნული კომისიის წევრი გოჩა შონია "რუსთავი 2" -თან ამბობს, რომ ბუნებრივი გაზის სექტორში ტარიფები 2005 წლის შემდეგ არ გადათვლილა, ამ პერიოდში კი, სექტორში დიდი ცვლილებები მოხდა. 

ექსპერტთა ნაწილი და ოპოზიცია ტარიფის გარდაუვალ ზრდას ელის, მარეგულირებელ კომისიაში კი, წინასწარ პროგნოზს არ აკეთებენ. 

"ამ პერიოდის განმავლობაში მოხდა ძალიან ბევრი ცვლილება ამ სექტორში, შემოვიდნენ ახალი მოთამაშეები, განხორციელდა ახალი ინვესტიციები, მოხდა კომპანიების გამსხვილება, შესაბამისად, მარეგულირებელი კომისია პროცესების, გარემოებების გათვალისწინებით სატარიფო რეგულირებას იწყებს ამ სექტორში,“ - განაცხადა გოჩა შონიამ, მან დაადასტურა, რომ ვალუტის კურსის ცვლილება ტარიფებზეც ისახება.