თბილისი (GBC) - დახურულ შენობებში, საზოგადოებრივ ტრანსპორტსა და სტადიონებზე, შესაძლოა, მოწევა აიკრძალოს.

კანონმდებლობა მკაცრდება ახალი კანონპროექტით „თამბაქოს კონტროლის შესახებ“  ცვლილებით, რომელზეც დღეს პარლამენტის ჯანდაცვის კომიტეტში იმსჯელეს.

სხდომა გამოფენის ფონზე გაიმართა.

„გამოფენა კიდევ ერთხელ გვახსენებს, რამდენად მნიშვნელოვან საკითხზე ვართ შეკრებილები და რაოდენ მნიშვნელოვანია ის გადაწყვეტილება, რომელსაც, დიდი იმედია, მივიღებთ. ასევე, იმედი მაქვს, რომ უახლოეს მომავალში პარლამენტი მხარს დაუჭერს თამბაქოს კონტროლის კანონმდებლობის სრულყოფას და მის საერთაშორისო პრაქტიკასთან შესაბამისობაში მოყვანას“,- განაცხადა ჯანმრთელობის დაცვისა და სოციალურ საკითხთა კომიტეტის თავმჯდომარემ, აკაკი ზოიძემ.

კანონპროექტის ავტორი, პარლამენტის წვერი  გუგული მაღრაძე დარწმუნებულია რომ ცვლილებებს კანონმდებლები მხარს დაუჭერენ. 

„მიხარია, რომ მეცხრე მოწვევის პარლამენტი დაფიქსირდება ისტორიაში, როგორც პარლამენტი, რომელიც მიიღებს ამ ძალიან მნიშვნელოვან შესწორებებს კანონში“,- განაცხადა დეპუტატმა.