თბილისი (GBC) - თუ ბრიტანურ ტაბლოიდ „დეილი მეილს“ დავუჯერებთ, საქართველო მზადაა, 6 ერში გაწევრიანებისთვის ნებისმიერი საფასური გადაიხადოს, - წერს "ბანკები და ფინანსები".

„გვსურს, საქართველოში ჯონ ფიჰანი ან ექვსი ერის ნებისმიერი სხვა ორგანიზატორი დავპატიჟოთ. დახედონ ჩვენს ინფრასტრუქტურას და გვითხრან, რამდენის გადახდაა საჭირო ტურნირზე მოსახვედრად. 10 მილიონი ევრო? ამ თანხასაც გავწვდებით!“ – ეს „ბორჯღალოსანთა“ დამრიგებლის, მილტონ ჰეიგის სიტყვები ყოფილა.

„მსოფლიოში მხოლოდ ორი ქვეყანაა, სადაც რაგბი ეროვნული თამაშია. მაგრამ არც საქართველოა ძალიან შორს. მხოლოდ შანსს ვითხოვთ. თუკი სამ წელიწადში პროგრესი არ გვექნა და მატჩებს 40 და მეტი ქულის სხვაობით წავაგებთ, მაშინ პირველები თავადვე ვიტყვით, რომ ამ დონეს ვერ ვქაჩავთ“, – დასძენს ქართველთა ახალზელანდიელი დამრიგებელი.

„დეილი მეილის“ მტიცებით, საქართველოს უმდიდრესი ადამიანი, მილიარდერი ბიძინა ივანიშვილი მზადაა, ექვს ერში საქართველოს ნაკრების დაშვება ფინანსურად უზრუნველყოს.