თბილისი (GBC) -ელექტროენერგიისა და ბუნებრივი გაზის გაზრდილ გადასახადებთან დაკავშირებით, სემეკი მომხმარებლებს კომისიისთვის მიმართვას ურჩევს. 

ენერგეტიკისა და წყალმომარაგების მარეგულირებელი ეროვნული კომისია მედიისა და სოციალური ქსელის საშუალებით გავრცელებულ ინფორმაციას ეხმაურება.

კომისია მოქალაქეებს მოუწოდებს,  რომ გაზრდილ გადასახადთან დაკავშირებით მიმართონ შესაბამის გამანაწილებელ კომპანიას ან განცხადებით მომართონ კომისიას და კომისიასთან დამოუკიდებლად არსებულ ენერგოომბუდსმენის სამსახურს. ასევე, მოქალაქეებს კომისიაში კონსულტაციების გავლა შეუძლიათ ქოლ ცენტრის საშუალებითაც ნომერზე - 16 216.

"კომისია ინდივიდუალურად შეისწავლის მოქალაქეთა განცხადებებს და იმ შემთხვევაში თუ მოკვლევის შედეგად დადასტურდება ზედმეტი დარიცხვა, მოქალაქეებს ზედმეტად დარიცხული თანხები ჩამოეწერებათ.  კომისია აქვე განმარტავს, რომ ელექტროენერგიისა და ბუნებრივი გაზის სამომხმარებლო ტარიფები არ გაზრდილა", - ნათქვამია სემეკის განცხადებაში.