თბილისი (GBC) - თევზის გადამამუშავებელი საწარმო  "ზორეთი”  წარმოებული პროდუქციის ბაზარზე გასატანად ემზადება.

„ზორეთის“ მიერ  წარმოებული შებოლილი თევზი მალე გამოჩნდება ბორჯომის და თბილისის მაღაზიების დახლებზე. კომპანიის დამფუძნებელი ელისაბედ ელიოზიშვილი აცხადებს, რომ პროდუქცია  ცხელი შებოლვის ტექნოლოგიით მზადდება და განსაკუთრებული გემოვნური თვისებებით ხასიათდება. პროდუქციის ტესტირება აქტიურად მიმდინარეობს.

საწარმო და საკალმახე ბორჯომში, სოფ. ქვაბისხევი მდებარეობს, ის  REAP- ის ბენეფიციარია. გრანტის მოცულობა 41 900 აშშ დოლარია, კომპანიის თანამონაწილეობა კი, 95 800 აშშ დოლარს შეადგენს.

კომპანია საკალმახეს უკვე 21 წელია ფლობს და საწარმოც ააშენა, რომელიც  REAP- ის დახმარებით გერმანიიდან და ჩინეთიდან მიღული ტექნიკით არის აღჭურვილი.

ორგანიზაცია ქალ- მეწარმეებს რებრენდიგსა და ბიზნეს უნარების გამომუშავებაში დაეხმარა,  სხვადასხვა სახის ტრენინგებით. წარმოების გამართვისთვის კი, მათთვის ჰოლანდიიდან სპეციალისტიც მოიწვია.  კომპანიის დირექტორი დარგში გამოცდილებას ამჟამად ამერიკაში ეცნობა.